Мұқағали Мақатаев атындағы тірек орта мектебінде (РО) қыркүйек айының 17- ші жұлдызында магниттік мектептер: Алға орта мектебі, Жайсан орта мектебі, Еңбекші орта мектептерінің қатысуымен жиналыс болып өтті. Жиналысты өткізудегі мақсат: 2023-2024 оқу жылының қорытынды есебі тыңдалып, талқыланды. 2024-2025 оқу жылының «Магниттік мектептерге ғылыми-әдістемелік және инновациялық қызметтің белсенділігін арттыру арқылы мұғалімдердің кәсіби әрекеттестігіне жағдай жасау» тақырыбындағы жоспарымен таныстыру және міндеттер қабылдау.

Жиналысқа Алға орта мектебінің директоры Примбердиева Ерғалым және оқу ісі-жөніндегі орынбасары Диканбаева Балнұр, Жайсан орта мектебінің оқу ісі-жөніндегі орынбасары Ермекова Дана, Еңбекші орта мектебінің директоры Майкеев Талап және оқу ісі-жөніндегі орынбасары Дуанбаева Күнсұлу қатысты. Магниттік мектептерге сессияның бұйрығын, жаңа оқу жылының сыныптарға бөлінген тізімдерін, оқушылардың үйірмеге бөлінген тізімдерін және жоспар бойынша өткізілетін әдістемелік семинарлардың тақырыптары таныстырылды. Әр түрлі мәселелер қарастырылды. Өткен оқу жылындағы атқарылған жұмыстарға қанағаттанарлық деген баға берілді және жаңа оқу жылына ұсыныс тілектер айтылды.