22.11.2024 ж. Мұқағи Мақатаев атындағы тірек орта мектебінде (РО) үйірме жетекшілерінің Кишкашева Г. «Сөз шебер» Кусаинова Б. «Сыр сандық» Ахина Ж. «Тіл мәдениеті» үйірмелері бірлесіп, сессияаралық жоспарға сай «Терең сөздің телегейі, шалқар ойдың шыңырауы-ер Әбіш» тақырыбында Әбіш Кекілбаевтің 85 жыл мерей тойына орай 9-сыныптар арасында пікір сайыс сөз додасын өткізді. Пікір сайыстың мақсаты халық жазушысы, мемлекет және қоғам қайраткері Әбіш Кекілбаевтің қазақ халқының рухани дамуына көп үлес қосқандығы, оның зор еңбегі мен әдеби талантын оқушыларға дәріптеу еді. Әбіш Кекілбаевтың шығармалары қазақ әдебиетінің қазынасын ғана емес, сонымен қатар әлемдік әдебиеттің де қатарын толықтырды.Сан алуан тақырыпта, әр қилы жанрда қалам тербеген жазушының шығармашылық жолын, өмір жырын, көңіл сырын танытатын түрлі естеліктермен сусындады. Оқушылар ақынның шығармаларынан үзінді оқып, өлеңдерін талқылап, талдады, ақынның өмір жолы мен отбасы туралы видео роликті тамашалады.
