2025 жылдың 13 маусымы күні мектеп жанындағы "Айгөлек" жазғы сауықтыру лагері күнін көтеріңкі көңіл күймен таңғы жаттығу мен сергіту сәтінен бастады. Белсенді қимыл-қозғалыстар балалардың көңіл күйін көтеріп, жаңа күнге күш-жігер берді. Таңертең топ жетекшілері күн тәртібі бойынша жоспарланған іс-шараларын өткізді. Балалар түрлі ойындар мен тапсырмаларға белсене қатысып, өз қабілеттерін көрсетті.

Күннің жалғасында оқушылар табиғат аясына шығып, шағын пикник ұйымдастырды. Ашық аспан астында балалар ән айтып, би билеп, бір-біріне көтеріңкі көңіл-күй сыйлады. Табиғат аясындағы демалыс балалар үшін ерекше әсерге толы болды.

Іс-шара оқушылардың белсенді демалуына, ұйымшылдық пен достықты арттыруға ықпал етті. Күннің әр сәті балалар үшін қызықты өтті. Олар көтеріңкі көңіл күймен үйге оралды.