2022 жылы 14 қазанда Еңбекші орта мектебінде Мұқағали Мақатаев атындағы тірек орта мектебінің (РО) үйірме жетекшілері Мырзалиева Насима және Кайбагарова Нұрзада жоспарға сәйкес аса көрнекті мемлекет және қоғам қайраткері, үш мәрте Социалистік еңбек ері, Қазақ КСР Ғылым академиясының академигі, техника ғылымдарының докторы Дінмұхамед Қонаевтың туғанына 110 жыл толуына орай Еңбекші орта мектебінің 8-9 сынып оқушыларының қатысуымен «Ұлтының дара тұлғасы» атты дөңгелек үстел өткізді.

Мақсаты: Оқушыларға қазақтың мәртебесін көкке көтерген Дінмұхамед Қонаевтың өмір тарихы туралы түсініктерін кеңейту, ел үшін еңбек етуге, халқына адал болуға ұлы тұлғаның ерліктерін айту арқылы оқушыларды ұлтжандылыққа, патриоттық сезімге тәрбиелеу.

Дөңгелек үстелге оқушылар белсене қатысты. Оқушылар Д.Қонаевтың өмірбаяны, балалық шағы, оқыған оқу орындары, елі үшін сіңірген қызметі мен еңбектері, марапаттары, қарапайымдылығы туралы дөңгелек үстелде өз білімдерімен бөлісті. Ұлы тұлға туралы ән шырқалып, мұражайы, сөйлеген сөздері туралы бейнебаян көрсетілді. Дөңгелек үстелге Еңбекші орта мектебінің басшылары, ұстаздары, оқушылары қатысты.

2022 жылы 15 желтоқсан күні Мұқағали Мақатаев атындағы тірек орта мектебінде (РО) «Оқуға құштар мектеп » жобасы аясында директордың оқу-ісі жөніндегі орынбасары Б.Джексенбаева, кітапханашылар А.Тоқтыбаева, А,Әбдеш және қазақ тілі мен әдебиеті пәнінің мұғалімі Г.Ибрагимованың ұйымдастыруымен экспериментке алынған 8-9-сынып оқушылары арасында «Кітап- рухани байлығымыз!» тақырыбында танымдық кеш өткізілді.

Оқушыларға кітаптың адам өміріндегі маңызды білім құралы екенін түсіндіре отырып, елінің үмітін ақтайтын, өткен ұрпақтың есесін түгендеп, келешек ұрпақтың мерейін үстем ететін Тәуелсіз еліміздің білімді ұрпақтарын тәрбиелеу мақсатында өткізілген танымдық кеште «Мен оқыған бір кітап», «Кітап пен қалам егіз ұғым», «Білім көзі - кітапта», «Көрерменге сауал» кезеңдері бойынша түрлі тапсырмалар орындалды. «Мен оқыған бір кітап» кезеңінде оқушылар өздерінің оқыған кітаптарынан түсінгендерін оқиғаның сюжеттік желісі бойынша талдап, мазмұнын айтса, «Кітап пен қалам егіз ұғым» бөлімінде оқушылар өздері оқыған шығармаларының авторына және ұнамды, ұнамсыз кейіпкерлеріне деген ерекше сезімдерін хат жазу арқылы толқыныспен әсерлі жеткізе білді. Келесі «Білім көзі - кітапта», «Көрерменге сауал» бөлімдерінде сұрақтарға жауап беріп, көрермендермен ой бөлісті. Көрермендер де өз кезегінде бүгінгі көпшіліктің санасы ғаламторға шырмалған заманда өзекті болып , ел мұңына айналған сауалдар төңірегінде ой қозғады.

Кітапханашы А.Тоқтыбаева кітапханамыздың қорын толықтырып отырған жаңа кітаптарды оқуға шақыру мақсатында «Жаңа кітап- жаңа әлем» атты кітап көрмесімен оқырмандарды таныстырып өтті.

Кеш соңында белсенділік танытқан оқушылар алғыс хаттармен марапатталды.

Мұқағали Мақатаев атындағы тірек орта мектебінде (РО) мектепішілік жоспарға сәйкес аса көрнекті мемлекет және қоғам қайраткері, үш мәрте Социалистік еңбек ері, Қазақ КСР Ғылым академиясының академигі, техника ғылымдарының докторы Дінмұхамед Қонаевтың туғанына 110 жыл толуына орай мектебімізде 8-9 сынып оқушыларының қатысуымен үйірме жетекшілері Мырзалиева Насима және Кайбагарова Нұрзада «Ұлтының дара тұлғасы» атты дөңгелек үстел өткізді.

Мақсаты: Оқушыларға қазақтың мәртебесін көкке көтерген Дінмұхамед Қонаевтың өмір тарихы туралы түсініктерін кеңейту, ел үшін еңбек етуге, халқына адал болуға ұлы тұлғаның ерліктерін айту арқылы оқушыларды ұлтжандылыққа, патриоттық сезімге тәрбиелеу.

Дөңгелек үстелге оқушылар белсене қатысты. Оқушылар Д.Қонаевтың өмірбаяны, балалық шағы, оқыған оқу орындары, елі үшін сіңірген қызметі мен еңбектері, марапаттары, қарапайымдылығы туралы дөңгелек үстелде өз білімдерімен бөлісті. Ұлы тұлға туралы ән шырқалып, мұражайы, сөйлеген сөздері туралы бейнебаян көрсетілді.

2023 жылдың сәуір айының 4і күні М.Мақатаев атындағы тірек орта мектеп директорының эксперимент ісі жөніндегі орынбасары Джексенбаева Баян Ниятуллаевнаның ұйымдастыруымен көктемгі сессия кезінде «Шығармашылықпен жұмыс жасайтын мұғалімдерге «Озат тәжірибе мектебін құру» тақырыбында «Білім беру ісінің құрметті қызметкері» медалінің иегері, география пәні мұғалімі Баетова Анар Ермеккызы теориялық семинар өткізді. Семинарға мектеп әкімшілігі және мектептің мұғалімдері қатысты.

Педагогикалық озат тәжірибені таратудың мақсат, міндеттерімен, сонымен қатар тәжірибені тарату түрлерімен, тәжірибені тарату технологиясының теориясымен таныстырды.

Педагогикалық озат іс –тәжірибе таратудың мақсаты:

Педагогикалық озат іс-тәжірибені анықтау, талдау, педагог қызметкерлердің инновациялық, шығармашылық тәжірибесін қазіргі зерттеулер мен педагогика және психология жетістіктерін ескере отырып тарату.

Міндеттері:

- Тұтынушыларды инновация мәселелері туралы сұраныспен қамтамасыз ету;

- Педагогтардың кәсіби өсуіне ықпал ету;

- Педагогикалық еңбек рефлексиясын жүзеге асыруға жағдай туғызу (жеке, ұжымдық кеңес беру, дайындық);

- Педагогикалық ақпарат банкін жасау;

Тәжірибені тарату түрлері:

1. Ұжымдық тәжірибе

2. Жеке тәжірибе

3. Мазмұнды тәжірибе (курстар, іс- тәжірибелік материалдар, әдістемелік нұсқаулар)

4. Технологиялық тәжірибе / педагогикалық технологияларды қолдана отырып/

5. Басқарушылық тәжірибе (білім сапасын басқару, білім сапасы мониторингі, педагог жұмысын әдістемелік қамтамасыз ету)

Тәжірибені тарату технологиясы:

- Шығармашылық есеп, жеке-шығармашылық есеп, ғылыми-практикалық конференциялардағы баяндама т.б. түрінде таратуға болатындығы туралы айтылды.

Осы жұмыстарды тәжірибе жүзінде электронды портфолиосын көрсетіп, өзінің іс- тәжірибесімен бөлісті.

Осы семинардың жалғасы ретінде шығармашылық көрмеге жылдың қорытындысымен озат тәжірибені тарату үшін Абдикасимов Канат Бактыбекович, Еркебаева Роза Абдигуловна, Казанбаева Гульнур Бейсенбаевнаның іс-тәжірибелері ұсынылды.

Мұқағали Мақатаев тірек орта мектебінде сессия уақытында 10 «А», «Ә», «Б» сынып оқушыларының ұйымдастыруымен Шерхан Мұртаза 90 жыл «Шынның жүзі-Шераға» атты тақырыпта танымдық сағат болып өтті.Сабақтың мақсаты: көрнекті қайраткер, Қазақстан журналистерінің бір емес, бірнеше ұрпағын тәрбиелеген ғажайып қаламгер Шерхан Мұртазаның өмір жолы мен еңбек жолын жас ұрпаққа таныстыру, адамның өмір жолы ақ пен қарадан тұратынын, осы жолда жазушы шығармаларын оқу арқылы жақсылыққа бойлау, жаман деген кесепаттан бойын аулақ салып, адамдық жолына бойлай беру жас буынға насихатталды.

Мектебіміздің 8 «Ә», 10 «А», «Ә», «Б» сынып оқушылары жазушының «Бір кем дүние» ойтолғауынан: «Ойлан ,қазақ», «Намыс қайда», «Баукең солақай емес»,«Құмырсқа ғұмыр», «Кітап қасиеті» , «Жалғыз бала» уайымы», «Қымыз», «Мектеп қартаймайды», «Келіншек тау», «Имансыз болма» .«Ай мен Айша» романынан: «Жолашар», «Сандуғаш сандық», «Ай шуақ күндер», «Қырғыз ата», «Интернат наны», «Айша о дүниелік балаларын уайымдайды», «Жілігімді жағайын». Мектебіміздің 10 «Ә» сынып оқушысы Бодаубек Назерке «41-жылғы келіншек» әңгімесінен үзіндіні жатқа оқыды. «Тәуекел той» әңгімесінен оқушылар қойылым қойды. Шерағаның өмір жолы өнегеге толы. Жас ұрпаққа берері көп. Жас ұрпақ Шерағасын таниды, оқиды, өмір жолынан сабақ алады.

Ақпан айының 23 жұлдызында Мұқағали Мақатаев атындағы тірек орта мектебінде (РО) «Мұғалімнің кәсіби құндылығы – білім, қабілет, тәжірибе, даналық, даралық қасиеттері» атты дөңгелек үстел болып өтті.

Дөңгелек үстел өткізудегі мақсат: адамның даралық, даналық, ұлттық және кәсіби құндылықтарын аша отырып, тәжірибе алмасу болды.

Дөңгелек үстелдің қатысушылары тірек мектеп мұғалімдері мен жас мамандары және магниттік мектептің мұғалімдері. Дөңгелек үстелде қатысушылар «құндылық» сөзінің мәнін аша отырып, қазіргі таңдағы мұғалім бейнесінің қандай болу керектігі туралы сөз қозғап, «ұстаз» ұғымына тереңінен тоқталып өтті. Ұйымдастырушылар: Роза Әбдіғұлқызы,Гүлнұр Бейсенбайқызы, Жұлдыз Тоқтасынқызы тақырыпты ашуда түрлі тапсырмаларды қадам-қадамымен ұсынып отырды. Қатысушылар берілген сауалдарға ұтымды жауап беріп, өз тәжірибелерімен бөлісіп отырды. Көрсетілген бейнефильмнен берілген үзіндіден түйген ойларын ортаға салып, оқушылармен болатын түйткілді жағдаяттардан шығудың жолдары туралы кеңестер айтылды.

Дөңгелек үстел соңында сарапшылар мен тілшілер пікірлерін айтты. Директордың эксперимент ісі жөніндегі орынбасары Баян Ниятуллақызы барлық қатысушы мұғалімдерге алдағы қызмет жолдарына сәттілік тілеп қорытынды сөз сөйледі.

М.Мақатаев атындағы тірек орта мектебінде (РО) 19.01.2023ж. күні директордың эксперимент ісі жөніндегі орынбасары Б.Джексенбаеваның ұйымдастыруымен «Сыныптық жұмысты талдау» тақырыбында семинар өтті. Магниттік мектептің оқу ісі жөніндегі орынбасарлары мен сынып жетекшілері және ұйымдастырушы мектептің сынып жетекшілерінің қатысуымен өткен семинардың мақсаты: Жас ұрпақтың тәрбиесі нәтижелі болуы үшін мектептегі және мектептен тыс тәрбие үдерісін жетілдіру.

Міндеттері: қарым-қатынас пен біріккен іс-әрекет жүргізуге арналған топ құру; іскерлік

қатынас желісін орнату; сыныптық жұмыстың кешенді жүргізілуін қамтамасыз ету.

Семинар Баян Ниятуллақызының сөзімен басталды. Мақсатты іске асыру аймағы мен міндетті іске асыру аймағын толық ашып, нақты дәйектерді келтірді. Сонымен қатар, ұлттық тәрбиеге баса назар аударып, қатысушы қонақтардың пікірін білді. Өткен күннің бала тәрбиесі жөнінде «Менің атым Қожа» фильмінен үзінді көрсете отырып, өзекті тақырыпты қозғады. Бүгінгі күннің бала тәрбиесі жөніндегі олқылықтар мен жетістікке жету үшін атқару керек жұмыстарды баса айтты.

Келесі сөз кезегін семинарға жауапты мұғалімнің бірі А.Орынбаева алып, өз сыныбына жүргізген жұмыстың зерттеуін, яғни «социометрия» әдісін тәжірибе жүзінде көрсетіп, түсіндірді. Зерттеу жұмысы «социометрия» әдісі барысында анықталған тұйық, оқшауланған, назардан тыс қалған оқушылармен жұмыс жүргізуді мектеп психологына тапсырды. Зерттеу нәтижесінде қатысушыларға бала тәрбиесіне қатысты ситуациялық сұрақтар қойылып пікірлер тыңдалды.

«Тәрбиесіз берілген білім адамзаттың қас жауы» дегендей, тәрбиеден кейін білім сапасы талқыланды. М.Жаппарова сынып жетекшілік етіп жүрген 10-сынып оқушыларының білім сапасын өткен екі тоқсанды салыстырмалы түрде көрсетіп, іс-тәжірибесімен бөлісті. Сыныптағы жетістікке жету жолдарын сыныппен жүргізген талдау жұмыстарын салыстырмалы түрде көрсетіп, екі тоқсан арасындағы жетістікке қалай жеткені туралы талдап берді.

1. Жетістік бойынша талдау

2. Кемшіліктер бойынша талдау

3. Білім сапасының талдауы

4. Тәрбие сағаты бойынша талдау

5. Сынып жиналысының талдауы

6. Ата-аналармен өткізілген жиналыстардың талдауы

7. Сынып активтерімен жүргізілген жұмыстардың талдауы

8. Қоғамдық пайдалы еңбек туралы және еңбекке тәрбиелеу талдау

9. Отбасылық тәрбие туралы талдау

Білім сапасын көтерудегі атқарылу керек жұмыс түрлерімен ой бөлісті.

Семинар соңына қарай өткен күн мен бүгінгі күннің бала тәрбиесі туралы айтылып талқыланған соң болашаққа көз жүгірту де ұмыт қалдырылмады. С.Дауренбекова сөз кезегін алып, қатысушы қонақтарды «Болашаққа көзқарас» деп Ата-аналар тобы: «Болашақтың мұғалімі»; Оқушылар тобы: «Болашақтың оқушысы; Мұғалімдер тобы: «Болашақтың ата-анасы»; Сынып жетекші тобы: «Болашақтың сынып жетекшісі»; Әкімшілік тобы: «Болашақ мектеп» тақырыптарында постер қорғауға жұмылдырды. Барлық қатысып отырған сынып жетекшілер мен мектеп әкімшілігі белсене қатысып, постерді тамаша қорғап шықты. Көптеген ой-пікірлер айтылып, өзекті мәселелер талқыланды.

Семинар соңында Еңбекші орта мектеп директорының тәрбие ісі жөніндегі орынбасары Жапсарбаев Асылхан, Алға орта мектебінен келген ағылшын тілі пәнінің мұғалімі Мадраимова Сая, Жайсан орта мектебінен келген мұғалім, сынып жетекші Абике Асель өз сөздерінде бүгінгі семинар жұмысына оң бағаларын беріп, тәжірибе алмасуда қоржындарын толтырып бара жатқандарын атап өтті.

М.Мақатаев атындағы тірек орта мектебінің ағылшын тілі мұғалімі Ақылбекова Білжан: «Семинар жүйелі түрде ұйымдастырылған. Социометриялық талдаудың тиімділігін көрдім. Алдағы уақытта сол талдауды сыныбыммен жүргізіп бір жақсы нәтижеге жетемін деп ойлаймын» деп пікірін білдірді.

Семинар қорытындысында мектеп директоры Сихимова Алтынкул Мадиомаровна сөз алып, сыныптық жұмысты талдау: жетістіктері мен кемшіліктердің басты себептерін тауып, келесі жұмысты дұрыс жоспарлау; оқыту сапасын жақсарту; сынып жетекшінің кәсіби шеберлігін арттыру; жұмыс тәжірибесіне жаңалық енгізу; сабақта оқу-тәрбие процесін бағалау мақсатында; оқушының дамуын анықтау; жүргізілген жұмыс нәтижесін көру үшін қажет екені айтып өтті.

Семинар жоғары деңгейде өтті. Кері байланыс алынып, мұғалімдер өз ұсыныстарын білдірді. Әр атқарылған іс жүйелі түрде жүргізілген кезде нәтиже болатынына көз жетті. Осылай семинар өз жұмысын аяқтады.

Мұқағали Мақатаев атындағы тірек орта мектебінде «Оқушылардың ғылыми жоба жұмыстарына белсенділігін қалыптастырудағы жұмыстың рөлі» атты тақырыпта мектеп директорының эксперимент ісі жөніндегі орынбасары Жексенбаева Баян Ниятуллақызының ұйымдастыруымен презентация болып өтті. Презентацияның мақсаты:оқушыны қызықтыратын тақырыбы бойынша жобалау,зерттеу, жұмыстарына белсенділік қабілеттерін қалыптастыру.

Іс - шараға Мұқағали Мақатаев мектебі мен магниттік мектеп мұғалімдері қатысты. Презентацияны қазақ тілі мен әдебиет және биология пәні мұғалімдері :Солтанбаева Дүйсенкүл Тілепбергенқызы «Ізденіс жұмыстары арқылы оқушылардың ғылыми жоба жұмыстарына деген белсенділігін қалыптастыру» жұмысының жүргізілуі қалай жүзеге асады? Ата-ананың келісімі, баланың ынтасы, көңіл-күйі, денсаулығын бақылау, тапсырманы бір жүйеге қою, бәрі де мұғалімнің жауапкершілігіне жүктелетіні жайында айтып өтті. Осындай зерттеу жобасын жүргізгеннің нәтижесінде оқушысы Тұрғынбай Дина Бақытжанқызымен бірге «Қазіргі таңдағы қазақ тілінің өзектілігі , латын әліпбиіне көшуі мен зерттелуі» атты тақырыпта 2021 жылы жалпы білім беретін пәндер бойынша республикалық зерттеу жобалар конкурсының республикалық деңгейіне қатысып, ІІ дәрежелі дипломмен марапатталғанын мақтанышпен айттты.

Аталған конкурсқа 2022 жылы қазақ тілі мен әдебиет пәнінің мұғалімі Шаңғарақбаева Жанат Сейдалымқызның да оқушысы Құрманалы Ернұр Арманұлы «Бауыржан Момышұлы шығармаларындағы афоризмдер мен мақал-мәтелдердің тәрбиелік мәні» аттты тақырыпта қатысып, облыстық деңгейінен ІІІ дәрежелі дипломмен марапатталып, республикалық деңгейіне қатысуға жолдама алып отырғаны жайында хабарлады. Мұғалім зерттеу жобаны оқушымен қалай жүргізгені жайында өзекті ойын қазақтың біртуар қайраткері, заңғар жазушысы Шерағаның:«Біз Бауыржанды тек батыр деп танимыз, ал ол тұнып тұрған ақыл» деп айтуының өзі тегін емес екенін.Батырдың өнегелі өмір жолынан, ерліктерінен шығармаларынан, естеліктерінен бірнеше мысалдар келтіру арқылы шын мәніндегі халық сүйген , халқын сүйген ер бейнесін көзбен көргендей болдық. Оқушының зерттеу жобасына белгілі бір тақырыпты таңдамас бұрын көп іздену керек екенін.Әсіресе, мұғалімге үлкен жауапкершілік жүктелетінін.Сол еңбекті зерделеу арқылы белгілі бір нәтижеге жетуге болатынын айтып өтті. Келесі презентацияны биология пәнінің мұғалімі Берзімбетова Рахат Мақтабекқызы таныстырды.Оқушысы Байрамов Рамиль «Республикалық «Зерде» конкурсының облыстық деңгейінен ІІ дәрежелі дипломмен марапатталды.

M.Мақатаев атындағы тірек орта мектебінде (РО) 20 желтоқсан күні мектеп мұғалімдері мен магниттік мектеп мұғалімдері арасында мектебіміздің тарих пәні мұғалімі Адишев Б,орыс тілі мен әдебиеті пәні мұғалімі Мырзаханова Л,ағылшын пәні мұғалімдері Сырымбетова Ш мен Мамбетбаева Ф «Қоғамдық гуманитарлық бағыттағы білім беру процесінде қалыптастырушы бағалау тапсырмаларын құрастыру,қорғау» тақырыбында семинар өткізді. Мақсаты: Тыңдаушыларды негізгі бағалауда қолданылатын критерийлерімен таныстыру , олармен жұмыс жасаудың жолдарын көрсету.

Семинар барысында мұғалімдер қалыптастырушы бағалау тапсырмаларын құру және дескриптор арқылы бағалаудың маңыздылығына тоқталды.Семинарда «Еркін микрофон» әдісі арқылы семинар қатысушыларына сұрақтар қойылды. Семинар соңында мұғалімдерден кері байланыс алынды.

М.Мақатаев атындағы тірек орта мектебінде (РО) 14 желтоқсан күні мектеп мұғалімдері мен магниттік мектеп мұғалімдері арасында мектептің ғылыми-әдістемелік ісі жөніндегі орынбасары А.Пазылбекова, тарих пәні мұғалімі З.Кокеева, ағылшын тілі пәні мұғалімі Б.Ақылбекова "Сабақты зерттеудің негізгі нысандарының бірі - рефлексия" тақырыбында инновациялық әдістемелік кеңес өткізді.

Мақсаты: Мұғалімдерге сабақтағы рефлексия жайлы, оның классификациясы жайлы, мәліметтер алуға жағдай жасау.

Коучинг барысында мұғалімдер рефлексияның маңыздылығын жете түсініп, оқушылар мен мұғалімдердің өзіндік рефлексиялау кезіндегі әрекеттесулеріне талдау жасады. Рефлексияның оқушылардың көңіл-күйіне, сабақтағы іс-әрекетке, оқу материалдарына қарай жасалатын түрлерін ажыратып, олардың маңыздылығына тоқталды.